Sápmái Buorrin bovde duojáriid ja Sámi fitnodatdolliid miehtá Sámi ohcat Ruoktu resideansa prográmmii. Prográmma ulbmilin lea doarjut ja nannet Sámi doibmiid sohkabuolvvaid gaskasaš oahppama, mentorerema ja jurdagiid, doaibmamálliid ja bargovugiid ovddideami bokte.
Prográmma lea oaivvilduvvon eandalii sidjiide geat juo geavahit Sámi gálvomearkkaid dahje sidjiide geat háliidit álgit daid geavahit.
Ruoktu resideansa prográmma vuođđuduvvo soddjilis mállii, gos barggat iežat ruovttus, iežat birrasis ja iežat fárttain. Prográmmas ovttastuvvet digitálalaš mentoreren, vásáhusaid juohkin eará oassálastiiguin, ja oktasaš ságastallamat, mat dorjot sihke jurdagiid ja bargoproseassaid ovddideami.
Guovddáš oassin prográmma lea sohkabuolvvaid gaskasaš dieđu juohkin, gos oassálastit ohppet sihke mentoris ja nubbi nuppis. Go čohkket oktii sámi doibmiid, geat ovddastit eará sohkabuolvvaid ja duogážiid, oažžut áigái birrasa, gos árbevirolaš diehtu, vásáhus ja ođđa jurdagat deivet ja ovddidit ovttas.
Prográmma vuolggasadjin lea oassálastiid dárbbut ja dat doarju sin iežaset prošeavttaid ja doaibmamálliid ovddideami. Dat dahká saji guorahallamii, dutkamii ja máinnasteapmái, gos diehtu, hutkáivuohta ja bargovuogit sáhttet ovddidit sámi árvvuid mielde.
Prográmma sistisdoallá:
- mentoreren hárjánan sámi duojáriin / fitnodatdolliin
- jeavddalaš digitálalaš deaivvadeamit ja vásáhusaid juohkin (veardásašoahpan)
- sohkabuolvvaid gaskasaš oahpan oassálastiid gaskan
- iehčanas bargu iežat ulbmiliiguin ja jurdagiiguin
- deaivvadeamit báikki alde prográmma álggus ja loahpas
Gii sáhttá ohcat:
- Sámi duojárat ja fitnodatdoallit – sihke dat geat leat barggustis easka álgán ja dat geain lea jo guhkit vásáhus
- oassálastit miehtá Sámi
Prográmma áigodat:
Golggot-juovlamánnu 2026.
Oassálastit oassálastet deaivvademiide báikki alde prográmma álggus ja loahppas. Digitalalaš deaivvadeamit lagiduvvojit jeavddalaččat olles prográmmaáigodaga áigge (gáfestallamat).
Maid vuordit dus oassálastin:
- oassálastát digitálalaš deaivvademiide ja mentorerenbargobájiide
- dus lea aktiivvalaš lahkananvuohki iežas ovvdideami ja bargoproseassa ektui
- oassálastat prográmma deaivvademiide, mat leat báikki alde
- oassálastat oktasaš vásáhusaid juohkimii
Buhtadus:
Oassálastit fidnet guhtet ekonomalaš doarjaga, mii dahká vejolažžan vuoddjun iežas jurdagiidda ja bargamii prográmma áigodaga áigge. Doarjja juolluduvvo riikkaid mielde ja oktiibuot golbma mánnui čuovvovaččat:
- Ruoŧŧa: 50 000 SEK/oassálasti
- Norga: 50 000 NOK/oassálasti
- Suopma: 4 300 EUR/oassálasti
Báikkiid mearri:
Oktiibuot 6 oassálasti (2 Ruoŧas, Norggas ja Suomas)
Ohcan:
Ohcanáigi: 13.4.-7.6.2026
Sáhtát guođđit iežat ohcamuša dáinna skoviin: https://forms.gle/kjm1eH35XzrSRGb8A, gos bivdit du sáddet mielddusin iežat CV ja ohcamuša.
Mii sávvat buresboahtin ohcat dán prográmmii, gos sámi diehtu, jurdagat ja bargovuogit besset šaddet ja ovddidit ovttas.
Eambbo dieđuid oaččut: mikaela.unga-pirak@sameslojdstiftelsen.com
