Háliidat go veahkkin hukset Sámi boahtteáiggi ja doarjut duoji ja sámi ealáhusaid? Mii ohcat golbma geassebargi geat háliidit bargat rájáid rastá ja searvat SÁPMÁI BUORRIN – Huksemin Sámi fitnodagaid boahttevuođa prošektii.
OHCANÁIGEMEARRI: 28.04.2026
Sápmái Buorrin viggá nannet sámi fitnodagaid buoridemiin daid beassama márkaniidda ja lasihemiin daid dovddusvuođa ja gilvalannávccaid – dorvvastemiin seammás sámi kulturárbbi. Go lasihit eakti sámi buktagiid oinnolašvuođa, fidnu veahkeha sámi fitnodagaid stuorrut suvdilit ja gudnejahttimiin sámekultuvrra.
Mii bálkkáhat golbma geassebargi. Okta oasseváldi válljejuvvo guđege riikkas: Suomas, Norggas ja Ruoŧas. Dát virggit leat čujuhuvvon sámenuoraide geat háliidit háhkat bargovásáhusa sámi kultursuorggis.
Geassebargin don beasat:
- oahpasmuvvat sámi gálvomearkaide
- háhkat buori bargovásáhusa sámi kultursuorggis
- veahkehit gulahallamiin ja márkanastimiin
- doarjut dáhpáhusaid, bargobájiid ja deaivvademiid lágidemiiguin
- beaivádahttit ja ráhkadit sisdoalu Sámi fitnodagaid digitála katalogai
- ja eambbo!
Dát virgi fállá áidnalunddot vejolašvuođa oažžut hárjáneami riikarájáid rasttildeaddji prošeaktabarggus.
Maid mii vuordit dus:
- beroštumi sámi kultursuorggis
- buriid čálálaš ja njálmmalaš ovdanbuktinnávccaid
- návccaid bargat iehčanassii ja ulbmillaččat
Maid mii fállat:
- mearkašahtti barggu riikarájáid rasttildeaddji prošeavttas
- vejolašvuođa oahppat prošeavtta- ja gulahallanbarggus
- doarju ja dávggasis bargobirrasa
- mávssolaš bargovásáhusa sámi kultursuorggis
Dárkilit dieđut:
- Barggu guhkkodat: 2 mánu
- Álgin: 1.6.2026 (árat dahje maŋit álggahus vejolaš)
- Báiki: soahpamuša mielde/ gáiddusin
- Bálká soahpamuša mielde
Mo ozat:
Sádde du ohcamuša ovdal 28.04.2026.
Suomas: samitrademarks@saamicouncil.net merke ohamuša ”Geassebargi”.
Norggas: samitrademarks@saamicouncil.net merke ohamuša ”Geassebargi”.
Ruoŧas: ansokan@sameslojdstiftelsen.com merke ohamuša ”Geassebargi”.
Eanet dieđuid addá prošeaktajođiheaddji Enni Similä:
Tlf. +358 40 419 9601
E-poasta: enni.simila@saamicouncil.net
